Padayon ang water rationing sa Mailum sa Bago City pending sang pag patigayon sang water sampling para mapat-od kun bala safe na kuhaan sang tubig ilimnon ang mga water sources nila.
5,833 ka pumuluyo ang apektado.
Suno kay Dr. Merijene Ortizo ang pamuno sang Bago Disaster Risk Reduction Management Office, 12 ka mga purok sa Mailum ang ila gina rasyonan sang tubig sang maapektuhan ang water sources nila tuga sang ash fall sang maglupok ang bulkan Kanlaon sang nag ligad nga Biyernes.
1,492 ka pamilya ang ila nga gina serbehan. Suno kay Ortizo, padayon pa ang iya nga coordination sa Water Sanitation and Hygiene Cluster sang siudad para maka patigayon sang physico chemical analysis.
Natalana pa ang random water sampling.
Indi nila luyag nga mabutang sa alang-alang ang ikaayong lawas sang mga pumuluyo.
Ang ila nga pag deliver sang tubig naga depende sa request na mismo sang punong barangya.
Sa nag ligad nga inadlaw may 20,000 liters na sang tubig ang ila nga na-deliver kag natalana naman ang pag deliver sang 10,000 liters sa bwas Hwebes nga adlaw.
Sa pihak nga bahin na wash off na ang abo nga nagtupa sa nagkalain-lain nga mga lugar sang Bago suno kay Ortizo dala man sang pag-ulan sa pila na ka adlaw.
“Ga deliver kami kay wala pa namon na test. Gina-ensure man namon ang safety sang tawo especially kun may mga vulnerable kay sa dalom pa na namon gina kwa. Ang water gina dala sa babaw. (tungod na sang ash fall ?) yes”, suno kay Ortizo.*