Ipatuman sa bulan sang Hulyo ang saka sa sweldo sang mga empleyado sang gobyerno probinsyal.
Suno kay Provincial Administrator Rayfrando Diaz, nag hinyo si Governor Eugenio Jose Lacson sang authority sa Sangguniang Panlalawigan paagi kay Vice Governor Jeffrey Ferrer sa pagpatuman sang fourth tranche sang modified salary schedule.
Ini nga bagay ang gina pasalamatan naman sang Progressive Alliance of Capitol Employees ukon PACE.
Sa pahayag nga ginpadala ni Renelo Lastierre ang presidente sang PACE ang salary increase daku nga bulig sa Capitol workers.
May naga kaigo nga pondo ang probinsya sa pagpatuman sini.
30 million pesos ang ginpain nga pondo para sa July tubtob December nga saka sa sweldo suno kay Diaz.
Ang para sa madason nga tuig ang malakip na sa budget para sa 2024.