Si Third District Rep Javier Miguel Benitez ang nag panguna sa inauguration sang apat tanan ka mga public infrastructure projects nga naga balor sang P90.89 million sang Miyerkules.
Ang mga proyekto ang gin pondohan sa idalom sang 2025 national budget kag gin-implement sang Department of Public Works and Highways Negros Occidental 1st Engineering Office suno sa pahayag nga gin padala sang iya nga talatapan.
Ang pinaka daku nga proyekto amo ang sa Barangay XI (Gawahon) nga naga balor sang P49.3 million. Nalakip diri ang isa ka 30-meter bridge kag 226 meters nga sementado nga dalan nga may slope protection sa crossing nga kilala bilang Riverside Tison Overflow.
Suno sa mga residente ang baha ang naga lapaw sa old crossing sa tion nga mag bunok ang ulan sa sulod na sang 39 ka tuig. Kun kaisa indi sila maka tabok kag naga hulat nga magtahaw ang baha.
Sa Barangay XI sa gihapon, isa ka P7.89 million nga multi-purpose building sa karon ang naga serbe nga base sang 79th Infantry Battalion.
Sa Barangay XIII naman may P28.8 million nga multi purpose building kag cultural center nga may yara sang performance stage, music room, kag performer preparation rooms para sa mga local artist, estudyante kag cultural groups.
Ka sa Barangay IV, ang P4.89 million nga rehabilitation sang Tun-ogan nga kila man bilang Barbecue Plaza sa karon ang concrete na nga food hub.
Ang mga proyekto gina paabot nga mag hatag sa mga Victoriasanon sang mas safe nga mga alagyan sa tion sang pag baha, mas malapit sang security support kag venue para sa arts kag mas maayo nga work venue para sa mga vendors sandig sa statement sang amo nga talatapan.
[sibwp_form id=1]