Mga 80 milyones pesos ang tigayon nga na save sang probinsya sa idalom sang NOCHP humalin sang ginpatuman nila ang Management Information System sa amo nga programa.
Suno kay Provincial Administrator Rayfrando Diaz, bangud sang pagpatuman sang MIS nga gindesign sang in-house, tigayon sila nga maka kuha sang real time data, kag mas napat-od ang datus sa mga pasyente, nalikawan ang pag doble sang mga impormasyon kag mas nangin masulhay.
Sang 2019, may 100 million pesos nga budget ang Negros Occidental Comprehensive Health Program, kag may 20 million pesos pa nga utang.
Sang 2021 kag 2022 sang napatuman na ang MIS naga average sa 40 million ang pondo nga magamit. Sa Capitol Cab System nga kabahin man sang digitization program sang probinsya daku man ang na angkon nga savings ilabi na sa gasolina.
Na paiway man ang request sa bag-o nga mga salakyan. Samtang, ang kasubong nga mga sistema nga gina patuman sa kapitolyo ang luyag man nga ipatuman sa Bacolod.
Kabahin sa gina plastar sa Bacolod ang kasubong sang Capitol Cab System, Procurement System, Personnel Information System kag kun luyag nila sa ulihi suno kay Diaz ang MIS para man sa Bacchp.
Sa karon suno kay Diaz nga consultant man sang Bacolod, gina pat-od pa nila ang naga kaigo kag masaligan nga mangin focal person para sa sini mga sistema ilabi na nga gina halungan man nila ang amo nga in-house developed system.