May 800 milyones pesos nga balor sang proyekto ang naga padayon karon sa siudad sang Cadiz.
Suno kay Mayor Salvador Escalante nga liwat nagkuha sang mandato para sa iya ika duha nga termino, labing tinutuyo sang iya nga administrasyon ang mga infrastructure projects kag programa kag proyekto sa agrikultura para mabuligan ang pagtibawas kag pag sanyog sang ekonomiya.
Nalakip sa mga naga padayon nga proyekto gikan sa pondo sang siudad amo ang pagsemento sang dalananon kag pag obra sa drainage.
May 54 ka kilometro sang dalanon nga yara sa nabukid nga bahin sang Cadiz suno kay Escalante.
Ginatutukan niya man ang modernization sang agrikultura paagi sa paghatag sang mga equipment sa mga mangunguma.
Ini tanan nagapdayon suno kay Escalante.
Luyag niya man nga mas mahatagan pa gid sang atensyon ang patag sang turismp. May onse ka mga water falls sa siudad sang Cadiz kag lima pa lang gani ang iya nga nalab-ot. Nagapati siya nga ini ang daku man nga potential sa pagsanyog sang lugar.
Martes sang aga, nanagtag ang probinsya sa 76 ka mga pamilya nga na apeltuhan ni bagyo odette sa Cadiz sang assistance gikan sa National Housing Authority.
Damlag pa ini sila ang nakabaton naman sang bulig gikan sa LGU.