7 million pesos nga balor sang roofing materials ang ginpanagtag sang Negros Occidental sa mga apektado ni Bagyo Odette sa banwa sang Candoni.
Suno kay Negros Occidental Governor Eugenio Jose Lacson nga nag pamuno sang pag panghatag sang bulig sa banwa, 1,476 ka mga pumuluyo ang nag baton sang bulig. Nagbaton man ang pumuluyo sang iban pa gid nga relief assistance gikan sa iban pa gid nga mga grupo nga naghatag sang bulig.
Suno kay Lacson, karon nga na ubos na ang pondo sang probinsya nga napain para sa mga apektado sang Bagyo Odette, paga sugdan ang pag release sang relief assistance gikan sa 90 milyones pesos nga pondo sang National Housing Authority.
Dason nga padulongan amo ang siudad sang Kabankalan kag ang yara sa 5th district.
Suno sa gobernador maga depende sa gihapon sila sa listahan nga ihatag sang mga LGU para mapat-od kun sin-o ang dapat nga mahatagan.
Sa pagsulundan, maka isa lamang ka bes pwede makabaton ang beneficiary sang financial assistance.