P50M nga balor sang smuggled nga sigarilyo nakumpiska sa Negros Oriental

Nagpatigayon subong nga adlaw ang Bureau of Internal Revenue sang inventory sa ginabulubanta P50 Milyones nga balor sang smuggled cigarettes nga nakumpiskar sa Basay City, Negros Oriental sadtong tinalikdan nga adlaw.

Ang mga nakumpiskar nga smuggled cigarettes ang yara karon sa compound sang Highway Patrol Group-Negros Island Region sa Bacolod City.

Naabtan sang otoridad sa isa ka magamay nga puerto sa Barangay Nagbo-alao, Basay, ang apat ka mga delivery vans kag ang isa diri ang may unod nga mga kinarton nga peke nga sigarilyo.

Suno sa otoridad, posible nga sila ang namutikan bangud wala na ang mga drivers kag helpers sang sila ang naka-abot.

May impormasyon nga ang smuggled nga mga sigarilyo ang nagikan sa Mindanao kag iga-distribute sa Negros Island Region.

[sibwp_form id=1]