40.2 million pesos nga balor sang provincial development and investment program para sa 2023-2025 ang na aprobahan sang Provincial Development Council.
Sa first quarter meeting sang PDC kahapon gin present ni Provincial Admnistrator Rayfrando Diaz ang programa para sa nagkalain lain nga sector nga naga lakip sang para sa economic services, infrastructure, social services, environment kag development adminstration. Ang pdip ang isa ka 3 year plan nga naga tuyo mag suporta kasubong man mag align sang development direction sang probinsya.
Magluwas sini, gin aprobahan man sang council ang 2023 Annual Investment Plan, ang 2022 supplemntal AIP kag ang amendment sa 2022 AIP.
Ginkilala man ang NEDA Outstanding Covid-19 volunteers sa amo nga pagtililipon nga sanday poinsettia Dormido, Jia Marie Torres kag Juilianae Lavadia.