Gin aresto sang Sabado ang isa ka teenager matapos makuhaan sang binulto nga suspected shabu sa joint buybust operation sang NBI kag PNP sa Purok Sigay, Barangay 2.
Ang suspek amo si Dan Aldrick Ballesteros, 19 anyos.
Ginabulbanta nagabalor sa P2,600,000 ang shabu nga nakuha sa iya.
Samtang ala una kaina sang kaagahon, subject naman ang magasawa nga Edwin kag Christine Vivero sa buybust operation sa Purok Bagong Silang sa Barangay Estefania.
Naaresto sang kapulisan ang misis nga isa ka high value individual pero ang iya mister ang nakapalagyo.
59 ka sachet sang gina patihan shabu ang nakuha sa ila nga ginabulubanta nagabalor sa P1,700,000.
Kaso nga pag supak sa RA 9165 ang atubangon sang mga gindakop.