Iga duso ni Senador Imee Marcos ang P3,000 per LKG nga presyo sang kalamay.
Ini ang ginpromisa ni Senador Marcos sa Panaad sa Negros Festival opening kahapon. Suno sa senadora, bangud ang Panaad ang naga kahulugan sang promisa, ang iya promisa sa mga Negrense amo nga iya nga iga-duso nga mangin P3,000 per LKG ang presyo sang kalamay parehos sang presyo sini sang 2022.
Paathag niya isa ini ka promisa nga luyag niya matagaan sang katumanan para may disente nga presyo ang kalamay nga naga panguna nga produkto sa isla sang Negros.
Sa karon yara sa P2,700-P2,800/LKG ang presyo sang kalamay gani naga antus ang mga magagmay nga mga mangunguma amo man ang mga konsumedor.
Ginpanawagan niya sa Sugar Regulatory Administration nga buligan pasaka ang presyo sang raw sugar karon nga naga hinyo man ang ahensya nga ibalik ang ila nga P2 Billion pesos nga budget sa idalom sang Sugar Industry Development Act.