Arestado sang kagab-i ang mag amay nga Sunny Boy Guino-Ohan kag Sandy Romero pati na ila himata nga si Rudy Talabon matapos makuhaan sang tunga sa kilo nga shabu sa buybust operation.
Sa Purok Katilingban, Barangay Banago kaina sang kaagahon. Ginabulubanta naga balor sa 3.4 milyones pesos ang nakuha nga shabu sa mga suspek.
Suno kay Police Lt Jovem Mogato, pamuno sang City Drug Enforcement Unit sa Bacolod, lunsay mga drug personaliy ang naaresto kag ila gina kabig ang 25 anyos nga si Romero nga high value individual.
Dugang pa ni Mogato, naga trabaho bilang food delivery rider si Sandy kag iya man ini gina gamit nga front sa pag kuha kag sa pag baligya sang iligal nga droga.
Gin pahayag man ni Mogato nga gikan sa gwa sang Region 6 ang ila nga mga items. Kaso nga paglapas sa RA 9165 ang ipasaka batuk sa mga naaresto.