Naka-intercept ang kapulisan sang masobra P15 Million nga balor sang smuggled cigarettes sa Port Area sang Barangay Looc sa Dumaguete City Miyerkules sang gab-i.
Nadakpan sa operation ang tatlo ka mga persona nga residente sang Pagadian City sa Zamboanga del Sur kag banwa sang Parang sa Sulu.
Nakabaton ang kapulisan sang intelligence report angot sa iligal nga sigarilyo sa sulod sang canter truck, nga gin-biyahe paagi sa RoRo vessel gikan sa Pagadian kag iga-deliver sa Dumaguete.
Narekober sang kapulisan ang 263 ka master cases sang nagkalain-lain nga klase sang sigarilyo kag ginabulobanta 200 ka boxes sang balor P90,000 nga “tamban” nga isda nga gin uga.
Kaso nga paglapas sa Graphic Health Warnings Law kag Customs Modernization and Tariff Act ang ipasaka batok sa tatlo ka mga nadakpan.
[sibwp_form id=1]