House and lot nga kuntani premyo sa pa raffle sa kaadlawan ni anay congressman Albee Benitez gin kansela. Tigaylo ang pondo ang gamiton na lang para ibulig sa mga nahalitan sang Bagyo Odette.
Gin cancel ang virtual gathering sang mga supporters sa selebrasyon sang kaadlawan ni anay congressman Albee Benitez kagab-i.
Bangud man sang problema sa internet connection wala man matigayon ang pa raffle. Gani sa baylo nga ihatag ang house and lot nga grand prize para sa iya mga supporters, nagdesisyon si Benitez nga gamiton na lamang ang kapin uno punto sinko milyones pesos nga balor sang grand prize para mabuligan ang nahalitan sang Bagyo Odette.
Suno sa iya labaw sa pagpalipay sa kuntani makabaton sang duta kag balay ang tuyo niya nga mapalab-ot ang ayuda sa mga yadtong nawad-an sang puluy an tuga sang bagyo.
Nag-upod sa selebrasyon sa kaadlawan sang mayoralty aspirant ang iya mga kaalyado sa Asenso Bacolod, mga opisyales sang probinsya pati na mga artista.