Humalin March 1 tubtob December 16, nagdangat sa P23,733,067.74 ang balor sang poultry products ang na-intercept sang probinsya sandig sa apprehension report sini.
Sa report ni OIC-Provincial Veterinarian, Dr Placeda Lemana kay Governor Eugenio Jose Lacson, ang ini nga mga produkto ang ayhan gin-ship back sa point of origin ukon gin kumpiska.
Ini angut sa pagpatuman sang poultry ban bilang kabahin sa tikang para mapangapinan ang 8 billion peso poultry industry sang Negros Occidental gikan sa avian flu.
P4,823,326.91 million naman nga balor sang pork kag pork meat products ang nadakop sang probinsya.
Sa report ni Lemana, 12,675 ka kilo sang assorted nga pork products ang nakuha sa mga seaport, airport kag mga checkpoint kasubong man sa ginpatigayon nga monitoring sang African Swine Fever Task Force sa mga LGU markets lakip na ang Bacolod City. Hugot nga gina patigayon ang pagbantay para mapangapinan ang P6B swine industry sang probinsya.
Padayon ang pagpadala sang Negros Occidental sang supply sang baboy sa Luzon kag pila ka bahin sang Visayas.
Nagapabilin nga ASF free kag bird flu free ang Negros Occidental.