Sangguniang Panlalawigan sang Negros Occidental ang nag pasar sang ordinansa nga naga mando sang istrikto nga pag patuman sang Cockfighting Law of 1974 ukon ang Presidential Decree 449.
Sa idalom sang amo nga presidential decree ginatugot lamang ang tradisyonal nga bulang kag ang tradisyonal nga sahi sang pag pusta.
Ang bulang isa ka Filipino tradition suno sa ordinansa nga ginapatigayon sa masami bilang form of entertainment kag pastime nga gin updan sang pag taya.
Suno kay Board Member Andrew Montelibano nga amo ang nagduso ukon proponent sang ordinansa, ang e-sabong sadto ukon ang machine betting ang gin tugutan lang sang tion sang pandemic.
Ini ang gin-cancel na sang 2022.
Pero suno kay Montelibano may mga operators nga nag padayon sang electronic betting sa sulod sang bulangan.
Indi man ini online betting kag gina tawag gani nga offline betting, pero ini sa gihapon ang gina kabig nga machine betting nga indi kabahin sang PD449.
Dugang pa niya bisan pa ang PAGCOR nagsiling na nga ini ang iligal.
Wala sila sang permits suno sa iya kag wala man gani na rehistro sa BIR.
Wala sang may makuha nga income ang gobyerno gikan sa sini nga sahi sang pustahanay suno sa iya.
Ang bulang suno sa iya kabahin sang kulutura sang Pilipino.
May nagakaigo nga multa sa madakpan nga maga supak sini.
Maga take effect naman ang ordinansa 15 diyas humalin sa publication sini sa newspaper of general circulation.
Unanimous nga ginpasar ang ordinansa July 22, 2025.