Ginpauntat sang Victorias City Business Permits and Licensing Office ang operation sang isa ka poultry farm sa Hacienda Timawa, Barangay 11.
Ang pagsarado ang resulta sang kapaslawan nga mag sunod sa standard minimum distance nga 500 meters gikan sa major road kag kapaslawan nga mag relocate sa sulod sang 30 ka adlaw matapos ang ginpatigayon nga inspeksyon sang Hunyo 7 bilang rekomendasyon sang joint inspection team kag kakulang sa business permit.
Si Victorias City Mayor Javi Benitez ang nag upod sa pagpasarado sang poultry.
Suno sa alkalde, iya nga ginahatagan sang importansya ang pagduso sang transparency, accountability kag disiplina sa tanan nga private kag public establishments sa Victorias City.
[sibwp_form id=1]