Aprobado sang Sangguniang Panlungsod ang pagpalawig sang business one-stop shop sa Bacolod City Government Center tubtob Pebrero 15.
Ini agud mas matagaan giya kag mapahapos ang pagkuha sang business permit sang mga negosyante sa siudad.
Ginsiling ni Business Permits and Licensing Office Head Stela Rose Rayos nga wala sang ipatuman nga surcharge sa tion nga magsugod ang extension sa Enero 21.
Pero kutob sa mga maga-proseso kag maka-bayad sang full payment makaligad sang Enero 20 ang indi na maka-avail sang 10 percent nga discount sa balayran para sa renewal sang ila business permit.
Sang nagligad nga tuig, masobra sa 24,000 ang na-rehistro nga negosyo sa Bacolod.
Pero ginapaabot sang pamunuan sang BPLO nga mas magasaka ang kadamuon sang business applications sini nga tuig.