Kritikal sa karon ang sitwasyon sang mga ospital sa probinsya tuga sang pagsaka sang kaso sang Covid-19.
Suno kay provincial administrator Rayfrando Diaz, II, masobra sa 90 percent ang occupancy rate sang mga ospital sa Cadiz kag Valladolid – ang mga Covid designated hospitals.
Rason nga importante nga mag-agi sa nagakaigo nga channels ang mga pasyente agudto indi magdaguso sa ospital kag malikawan man ang pag-usik sa resources.
May negatibo man nga reaksyon ang memorandum nga nagapatuman sang “ No One Hospital Command System Referral, No Admission” sa mga ospital, suno kay Diaz, tion na nga ma orient ang mga pumuluyo nga imbes magdiretso padulong sa ospital dapat mag tawag sa 911 nga 24/7 naga operate ukon mag pakig angut sa DRRMO sang barangay para ma assess ang kondisyon kag ma refer santo sa kinahanglanon sini nga medikal.
Malikawan sa sini nga pamaagi ang pag pa ospital sang mga wala gid man nagakinahanglan sang amo nga serbisyo.
Wala labot sini, yara man sa transition period ang Gov Valeriano Gatuslao Memorial Hospital nga mangin ikatlo nga Covid-19 designated hospital.
Dugang pa ni Diaz ang mga quarantine facilities paga gamiton man bilang field hospitals kag bilang stepdown facility sa mga pasyente nga estable na ang kondisyon para mahatagan ligwa ang mga yadtong kinahanglan nga ma admit sa ospital kun matugutan na ang probinsya sang Department of Health.
“This (OHCS) makes us more responsive to the needs sang aton nga mga pasyente. And this saves us time. Especially sa aton pasyente nga kis-a magsaylo-saylo siya ospital, They cannot be catered to or they cannot be attended to because of lack of doctors, lack of medicines kay nagkadto lang to sila gulpi. So, this is our way of saying let’s get organized, let’s pass through channels so that ang tanan ta nga resources ma manage ta maayo. The province is not saying that we are closing. We are saying that we will continue serving the Negrenses,” suno kay Diaz.