Nakasugtan sang mga alkalde sa Metro Manila ang pagtukod sang pagsulundan nga nagadumili sa mga unvaccinated individuals nga maka gwa sa ila puluy-an magluwas lang kun importante bangud sang nagasaka nga Covid 19 cases.
Gani ginahaylo man sang national government paagi sa National Inter-Agency Task Force nga maghimu man sang kasubong nga tikang ang mga local government unit sa pungsod agud nga mapabaskog ang mga tikang batuk sa mas makalalaton nga Covid-19 variant kasubong sang Omicron.
Suno kay Bacolod City Health officer in-charge Dr. Edwin Miraflor, pabor siya nga ini man ang mapatuman sa bacolod agud mas mapangapinan ang pumuluyo batuk sa virus, ilabi na ang mga wala pa nakapabakuna.
Nubentay sinko porsyiento na sa masobra 420 mil ka mga indibidwal nga target nga mabakunahan sang siudad ang fully vaccinated.
Gani luyag man Dr. Miraflor nga ma-endorso sa konseho ang paghatag sang restrictions sa mga nabilin nga wala pa makapabakuna.
Suno sa kay Miraflor, kagab-i nagwa na ang resulta sa repeat swab test sa 38 anyos nga rof nga crew sang cruise ship nga nag positibo sa Omicron variant. Positibo siya sa virus pero indi na amo sina ka maka lalaton.
Nag negatibo naman sa Covid-19 ang iya nga misis nga nagpabilin sa hotel isolation.
Fully vaccinated na ang 38 anyos nga ROF. Pero ginakinahanglan pa niya nga magpaidalom sa dugang nga 7 days quarantine.
Damlag pa nag negatibo na siya sa virus amo kun ngaa naka biyahe pa siya pa Bacolod.