Sa Lunes na ang Launching sang Panaad sa Negros Festival lakip na ang sashing ceremony para sa Lin-ay.
Sa Provincial Capitol Park ang Lagoon ang pag lunsar sang 28th Panaad sa Negros Festival nga pamunuan mismo ni Governor Eugenio Jose Lacson kag Vice Governor Jeffrey Ferrer nga paga tambungan man sang mga alkalde sang nagkalain-lain nga banwa kag siudad.
Partner sa selebrasyon karon suno kay Provincial Tourism Officer kag executive director mang sang Panaad Festival nga si Cheryl Decena ang MUAD ukon ang Federation of Multi-Sectoral Alliance for Development-Negros. Ini sa pag tib-ong man sang gina duso nga food security sang probinsya.
Ang mga presentation santo man suno kay Decena sa tema nga Living the Promise. Gina-finalize pa ang mga VIPs nga imbitado sa Panaad Festival nga natalana sa Abril 15 tubtob 21.
Samtang, 29 ang nagpasakop sa Lin-ay sang Negros Search. Wala pa as of kahapon sang kandidata ang Manapla, Valladolid kag Pulupandan suno kay Decena. Padayon sila nga naga laum nga maka padala sang kandidata.
Samtang, 350,000 pesos naman ang subsidy sa mga LGU suno kay Decena.