Luyag sang Office of the Civil Defense nga mapat-od ang boundary para sa four kilometer permanent danger zone sang bulkan Kanlaon.
Suno kay Regional Director, Raul Fernandez sa delineation, mas mangin mahapos ang pag patuman sang four kilometer permanent danger zone.
Sakop sa four kilometer permanent danger zone ang pila ka mga barangay nga yara sa La Castellana, La Carlota, Murcia kag Bago suno kay Fernandez.
Karon nga yara sa Alert level 2 ang bulkan Kanlaon luyag sang OCD nga maga pabilin nga wala sang human activity sakop sang amo nga danger zone.
Ginpasalig naman sila sang natungdan nga mga LGU nga na evacuate na ang mga nagapuyo sakop sang danger zone.
Sa June 12 nga datus sang OCD, may 6,119 ka mga persona ang apektado sang paglupok sang bulkan kag 4,785 diri ang yara sa mga evacuation center.
Sa La Castellana kahapon, may 1,362 ka mga pumuluyo ang gintugutan gikan sa Mansalanao ang makapauli sa ila nga mga balay.
May mga evacuees man sa La Castellana nga yara nagtenir sa Binalbagan suno sa OCD.