Ang New People’s Army amo sa karon ang ginapatihan sang kapulisan nga suspek sa pagsunog sang duha ka heavy equipment sa Barangay Cabia-an, banwa sang Candoni sang Sabado.
Suno sa PNP ginabulubanta napulo ka mga armado ang nag sunog sa backhoe kag pison nga gina gamit sa gina construct karon nga taytay sa barangay.
Ginabulubanta 12 milyones pesos ang balor sang ginsunog nga kagamitan. Isa sa ginatan-aw sang PNP nga rason sang pagsunog sang mga rebelde sa mga heavy equipment amo ang wala naga bayad sang revolutionary tax ang tag iya sang mga equipment.