Gin ako sang New People’s Army ang pag sunog sang tatlo ka mga truck sang tubo sang Lunes sa Barangay San Isidro sa Toboso.
Ini sa tion man sang founding anniversary sang Communist Party of the Philippines ukon CPP.
Pahayag sang spokesperson sang Roselyn Jean Pelle Command – Northern Negros Guerilla Front sang NPA, ila gin target ang mga truck sang isa ka planter nga ila gina alegar wala sang respeto sa revolutionary movement kag wala man naga ulikid sa iya nga mga farm workers. Ini ang ika duha naman nga opensiba sang NPA batuk sa planter bangud ila man gin sunog sang Disyembre 14 ang iya sini duha ka truck sa amo man nga banwa. Ang PNP ang nag siling naman nga ila pa imbestigaran kun matuod ang gina claim sang NPA angut sa pag sunog sa mga truck.