Digicast Negros

NOCPPO wala pa may nabaton nga order angut sa dismissal sang anum ka mga pulis

Mga pulis sa Moises Padilla nga gindagdagan sang dismissal sang NAPOLCOM, padayon pa nga naga duty.

Ginpahayag ni NOCPPO spokesperson Lieutenant Abegael Donasco nga tubtob sa karon, padayon nga naga duty ang mga pulis nga ginpapanaugan sang dismissal order sang National Police Commission may angut sa ila pag aresto sadto sa kay Mayor Ella Yulo kag iya mister nga Felix sang bise alkalde pa lang anay si Yulo sang Disyembre 2017.

Ini magluwas na lang sa anay hepe sang Moises Padilla nga si Major Allan Reloj nga nag retiro na.

Suno kay Donasco padayon nga naga duty ang lima ka pulis samtang ginahulat pa sang NOCPPO sa karon ang order gikan sa national headquarters.

Base sa ginpapanaug nga order sang NAPOLCOM ang ila nga pag aresto sa mag asawa nga Ella ang politically motivated.

Nagapati man si Donasco nga may angut sa pulitika ang natabo gani siya ang naga paandam sa mga kapulisan sa probinsya, ilabi na nga nagahilapit na ang eleksyon, nga mag serbe ang pagpa dismiss sa mga pulis sa Moises Padilla bilang leksyon nga indi dapat mag intra sa pulitika ang mga pulis kundi ang pumuluyo amo ang ila nga serbisyuhan.

Magluwas sa dismissal, wala man sang makuha nga salary kag benefits ang ini mga pulis nga ginpapahalin sa serbisyo.

Exit mobile version
Skip to toolbar