Kun wala ka booster shot sang bakuna kontra Covid-19 indi ka pwede maka sulod sa city hall buildings sang La Carlota. May mga signage mismo sa entrance sang city hall nga naga pahanumdom sa mga pumuluyo nga kinahanglan anay nila magpa booster shot.
Suno sa kay Mayor Rex Jalandoon isa ini sa mga rason kun ngaa ang La Carlota City ang naga panguna sa mga lgu nga may pinaka mataas nga vaccination rate sa Negros Occidental.
Dugang pa sang alkalde, nangin isyu ini nga ginhaboy sa iya sang nagligad nga pinili-ay nga ka estrikto sa iya kun bakuna ang paga hambalan.
Plano pa gid sang alkalde nga i-require ang tanan nga mga estudyante kag manunudlo nga mangin kabahin sang face to face classes. Ang kutob sa wala maka kompleto sang bakuna indi maka upod sa face to face classes.
Paathag niya, ini tanan ang iya nga gina himo para proteksyonan ang iya komunidad. Kun kalabanan sa mga pumuluyo sang ila siudad bakunado na kag may booster dose amat amat na sila maka balik sa normal nga pang gawi.