Ang National Irrigation Administration – Bago River Irrigation System North District ang liwat nagbukas sang Martes para maka patubig sa mga 6,000 ka ektariya sang talamnan.
Ginsiling ni Pedro Limpangog ang presidente sang Federation of Irrigators Association of Central Negros – BRIS nga ang patubig gina paabot nga maka bulig pa gid paayo sang patubas lakip na sang crop sustainability kasubong man maka tib-ong pa gid sang palangabuhian sang linibo ka mga rice farmers.
Suno sa iya, ang irrigation network ang maga serbe sa mga farming communities sa bahin sang Bago City kag Murcia. Gina pasiguro man sini ang supply sang tubig para sa crop cultivation kag naga hatag sang pag-ayo pa gid sang agricultural productivity.
Ang North district dam ang naga serbe man sang pila ka mga rice farms sa Bacolod City. Isa man ka bulan kag tunga nga nagsira ang amo nga irigasyon nga nagsugod sang Mayo 1.
Damlag pa, ginsiling ni Negros Occidental Irrigation Management Office Division Manager Edna Señadoza nga ang pag sira sang dam gates sa pag suspend sang water delivery ang gina patuman para matigayon ang annual clean up, mga desilting works kag minor repairs sa irrigation canal kag structures.*
[sibwp_form id=1]