Indi lang Ceneco ang plano nga pasakaan sang reklamo sang alkalde. Tuyo man ni Mayor Albee Benitez nga ilakip sa class suit ang National Grid Corporation of the Philippines ukon NGCP.
Plano karon sang alkalde nga mag-hire sang private lawyer nga amo ang magahikot sang iya pagapangunahan nga class action suit.
Pero indi lang Central Negros Electric Cooperative ang ilakip sa igapasaka nga kaso sang alkalde kundi pati na ang National Grid Corporation of the Philippines ukon NGCP.
Para sa alkalde dapat may manabat sa sunod-sunod nga power outages humalin sang Abril nga nag resulta sa pagkaguba sang mga electrical appliances sang mga kunsumedor lakip na ang personal airconditioning unit sang alkalde.
Ginpahayag sadto ni Ceneco Acting General Manager Atty. Arnel Lapore nga indi sila ang dapat balasulon sa tinalikdan nga power outages kundi ang NGCP nga nag-ako nga nagka-diperensya ang grid tuga man sang pag dis-engage sang isa ka power generator sa Panay.
Pero pahayag sang alkalde, ang Ceneco ang ginabayaran kag dapat may responsibilidad sa mga kunsomedor ilabi na kun magluntad ang brown out.