Negros Occidental Governor Eugenio Jose Lacson ang naga agda sa mga Negrense kag sa tanan nga yara sa Manila sa pag bisita sa Negros Trade Fair.
Nagpadulong na sa Manila si Governor Lacson subong nga adlaw sa pagtambong sa pagbukas sang 39th Negros Trade Fair sa Setyembre 23 kag maga lawig tubtob sa Setyembre 28 sa SM Aura Premier kag SMX Aura Convention Center sa Bonifacio Global City.
Ang Negros Trade Fair nga gina kabig pinaka malawig na nga trade fair sagwa sang Metro Manila nga gina sakdag ang maga pakita sang mga pinasahi nga istorya.
Suno kay Governor Lacson masalida diri ang mga produkto sang probinsya humalin sa pagkaon, sa patag sang fashion padulong sa home and design.
“Himbon” ang tema sang trade fair karon nga tuig.