Underground Cabling system project sang Negros Power sa Lacson Street sa Bacolod ang igalunsar.
Indi lang mga kable sang telecommunications company ang ginatudlo kabangdanan sang nagadamo nga spaghetti wires ukon mga nagalaylay kag nagalambod nga kuryente sa mga poste sa Bacolod.
Humalin sang ginsuguran ang massive operation sang Task Force Spaghetti wires nalakip na sa program ang distribution utility.
Gani sumugod bwas ginapaabot ni Mayor Albee Benitez nga amat-amat na nga masolusyunan ang problema paagi sa igalunsar nga underground distribution system project sang Negros Power sa Capitol Lagoon sa dalan Lacson bwas.
Pinaagi sa ordinansa ginapaabot sang alkalde nga madasun nga magapatuman sang kaugalingon nila nga underground cabling system project ang pila pa ka mga telco sa siudad agud nga mahawanan na ang mga poste batuk sa mga spaghetti wires.