Negros Oriental Second District Representative Ma. Isabel Sagarbarria ang naga panawagan sa gobyerno national nga mag hatag sang bulig pinansyal lakip na logistical assistance sa Negros Oriental bangud sang padayon nga kahalitan sang RSSI sa katubuhan.
Ini ang gin paalinton ni Sagarbarria sa ginpatigayon nga House Committee on Agriculture and Food Hearing sa proposed amendment sa Sugarcane Industry Development Act kag sa Sugar Regulatory Administration charter sang Martes.
Iya ginsiling nga wala makabaton ang Negros Oriental sang national government allocation kaangay sang P235 million nga assistance package nga gin-announce sa mga mangunguma sa Negros Occidental kag anti-RSSI operations.
Damlag pa gin-announce ni Agriculture Sec Francisco Tiu Laurel ang pag pain sang P35 million para sa pesticide kag drone-assisted spraying sa Negros Occidental.
Nagsugod naman ang pag panagtag sang P10,325 nga emergency cash transfer sa mga magagmay nga farmers sa Negros Occidental nga gin-igo sang RSSI.
Damlag pa ginsiling sang Department of Social Welfare and Development nga may yara man sang ipatuman nga emergency cash transfer sa mga small farmers nga apektado sang RSSI sa Negros Oriental kag gina hulat na lamang ang listahan nga iga submit sang mga LGU kasubong man ang kopya sang deklarasyon sang state of calamity.
May P15 million gikan sa Quick Response Fund sang probinsya sang Negros Oriental ang gin pain para sa chemicals para mabuligan ang mga sugarcane farmers nga apektado sang RSSI.
[sibwp_form id=1]