Padayon ang pag nubo sang kaso sang Covid-19 karon sa Negros Oriental matapos mag peak sa masobra sa 1,600 ang active cases sang nag ligad nga semana.
Karon nag panaog na sa 896 ang active cases sa probinsya matapos maka record sang masobra isa ka libo nga new recoveries.
Humalin Pebrero 4 tubtob 8, 396 lang ang new cases sa probinsya samtang 1,030 naman ang recoveries.
Damlag pa gin pahayag sang Provincial IATF nga ila gina lauman ang sunod sunod na nga pag panaog sang active cases sa probinsya.
Samtang, naga nubo naman sa karon ang active cases sa Negros Occidental kag Bacolod.
Nag record man kahapon ang Negros Occidental sang 534 new recoveries kag 102 lang ka bag-o nga kaso, 3,020 ang active cases karon sa probinsya.
Sa Bacolod, 201 man ang new recoveries kag 40 ang bag-o nga kaso. 1646 ang total active cases na lang karon sa siyudad.