Negros Oriental governor nag paggwa sang bag-o nga executive order agud malikawan ang padayon nga pag saka sang kaso sang Covid-19 sa probinsya.
Nasaad sa Executive Order 16 ni Negros Oriental Governor Roel Degamo ang pag reinforce ukon ang hugot nga pag patuman sang layi, ordinansa, policies kag mga guidelines agud mapunggan ang padayon nga pag saka sang Covid-19 cases sa probinsya.
Nagdangat na sa 1,315 ang active cases sa Negros Oriental matapos madugangan naman kahapon sang 138 ka bag-o nga kaso.
Sa EO, hugot nga pagpatuman sang mga health protocols ang tutukan sang kada barangay, LGU pati na sang law enforcement agencies agud ma seguro nga naga sunod sa pagsulundan ang mga pumuluyo.
Maga patuman man sang granular lockdown ang negros oriental kag maga butang sang border control points. I regulate man sa probinsya ang mass gatherings kag indi pagtugutan ang mga non essential activities.
Samtang, padayon man ang pasaka sang kaso sang Covid-19 sa Negros Occidental kag Bacolod City. 1446 ang active cases sa Negros Occidental matapos madugangan sang 68 ka dugang nga kaso kahapon.
Ang Bacolod City ang may 1270 active cases naman lakip na diri ang 97 ka bag-o nga kaso kahapon sa siudad.