Sa iya sini nga Facebook post ginsiling ni governor elect Pryde Henry Teves nga wala na may maka pugong sa iya nga magpungko bilang gobernador sa Negros Oriental pag patak las dose uno sang udto sa Hunyo treinta.
Korte Suprema lang ang maka pauntat sa iya. Siya ang ginprokalamar nga nagdaog sang Comelec sa boto nga 301,319.
Si incumbent Governor Roel Degamo naman naga siling nga siya ang nagdaog.
Ini matapos nga gin disqualify sang Comelec nga nuisance candidate ang isa pa gid ka Ruel Degamo nga nagpapili man bilang gobernador.
Letter “o” kag letter “u” lang ang kinalain sa ila nga mga ngalan. Naka kuha ang incumbent governor sang 281, 773 votes kag ang nuisance candidate naman naka kuha sang 49, 953 ka boto. Kun sumahon, 331, 726 tanan mas mataas sang treinta mil sa nakuha nga boto ni Teves.
Naga panindugan si Degamo nga idugang sa iya ang boto sang nuisance candidate pero ang Comelec nagsiling nga wala pa mapadangat sa board ang gina siling ni Degamo nga dugang ang boto nga nakuha sang nuisance candidate sa iya nga mga boto.
Nagfile sang motion for reconsideration suno kay Degamo ang kampo sang gin disqualify apang pending pa ini sa karon gani sila ang nag file naman sang motion for early resolution agud ma execute na ang decision sa Comelec kag ma proklamar na siya bilang matuod nga nag daog nga gobernador sang Negros Oriental.