Amat-amat sa karon ang recovery sang hog raising industry sang Negros Occidental gikan sa pag igo sang African Swine Fever.
Sa datus sang Bureau of Animal Industry wala na sang yara sa red zone sa ASF zoning sa probinsya.
Nagakasayuran suno kay Dr Placeda Lemana nga wala na sang may na monitor nga ASF cases sa Negros Occidental.
Gani mga hog raisers sa karon ang nag amat-amat naman balik sagod sang baboy.
May pagsaka naman gid sa supply sa Negros Occidental.
Sa monitoring sang Office of the Provincial Veterinarian sini nga semana, 325 pesos per kilo ang pinaka barato kag 343 pesos pero kilo ang pinaka mahal nga presyo sang baboy sa merkado.
Sang Enero, tigayon nga naka pa gwa sang 3,353 heads ang probinsya.
Karon nga July may 9,112 heads ang napa gwa.
Ini ang padulong sa Cebu, Samar, Luzon kag Panay.
Naga pakita suno kay Lemana sang saka sa local production.
Pero suno sa iya, kun ipaanggid ang production sadtong wala pa nag-igo ang ASF malayo pa ang diperensya.
Naga lab-ot sa halos 500,000 ka baboy ang matigayon produce sadto sa kada bulan, karon yara pa lang sa 250,000 tubtob 300,000 heads ang ma produce.
“Amat-amat na balik kay before abi ang population naton naga abot almost 500,000 kita. This time sa amon pag survey kag pag
inventory still indi ta ka abot pa sa amo na nga number of heads. Ara pa lang kita sa amon estimate sa mga 250,000 up to 300,000, daku pa ang aton lagson”, suno kay Lemana.