Padayon ang pagsaka sang kaso sang dengue sa Negros Occidental kag sa Western Visayas ang probinsya ang may pinaka madamo nga na report nga bag-o nga kaso.
Sa morbidity week 20, 266 ang bag-o nga dengue cases nga na report sa Westen Visayas sa datus sang Regional Epidemiology Surveillance Unit. Ini ang pinaka
Mataas nga na record sa rehiyon humalin sang Enero.
Ang Negros Occidental sa gihapon ang may pinaka mataas nga bag-o nga kaso nga gin report sa Western Visayas – 96. 282 percent ini nga mas mataas sa kasubong nga tion sang 2021.
Humalin Enero tubtob mayo 21, 657 ang dengue cases sa Negros Occidental, lima diri ang napatay.
May pagsaka man sa kaso sang dengue sa Antique, Iloilo province, Aklan, Guimaras kag Bacolod City suno sa DOH. Ang Provincial Health Office ang nagpatuman na sang tikang para masabat ang pagsaka sang dengue.
Liwat nga gina pahanumdom ni Governor Eugenio Jose Lacson ang mga pumuluyo sa matinlo nga palibot.
Samtang, may 30 active cases sang Covid 19 ang probinsya. Lima diri ang new cases. Suno kay Lacson nagdangat man sa 30 ang active cases indi naman ini makabig maka alarma.