P5.1B proposed budget sang Negros Occidental para sa 2023 ang gin-submit na sa Sangguniang Panlalawigan.
Daku man ang buhin sa pondo, wala sang may pagbuhin sa mga job order workers kag casual nga personnel suno sa gobernador.
Hwebes sang hapon sang gin-submit paagi kay Provincial Administrator Rayfrando Diaz ang proposed budget kay Vice Governor Jeffrey Ferrer kag Finance Committee Chairperson Board Member Romel Debulgado.
Ang P5.1B nga proposed budget ang 12.87 percent nga mas manubo sang sa 2022 budget sang probinsya bangud sang buhin sa National Tax Allotment nga 760 million pesos. Suno kay Governor Eugenio Jose Lacson, ang mga proyekto sa idalom sang Abanse Negrense amo ang may prayoridad.
Pila diri ang yara sa idalom sang sang agriculture kag health bisan pa sa scholarship. Bangud yara sa gihapon ang pandemic, may indi magnubo sa 40 million pesos nga ginpain nga maga serbe Covid fund.
Mas manubo na ini sang sa ginpain sa 2022 budget, pero kun indi ini magamit suno kay Lacson sarang in ini nga ma re-align.
Wala sang pagbuhin nga matabo sa job order workers, casual kag bisan pa yara sa idalom sang contract of service.
Suno kay Lacson, kun may makakas man ini bangud sang ila nga performance indi bangud sang budgetary constraint.
Ang pag-hire naman suno kay Lacson maga depende na lamang kun kinahanglanon gid.