May maayo nga pork production kag may nagakaigo nga supply sang baboy ang Negros Occidental.
Ginsiling sang Department of Agriculture nga may gina lantaw nga pork shortage sa bulan sang Abril sa pungsod.
Sa national nga report sang DA mahimo mabatyagan sa masunod nga bulan ang shortage sa supply sang baboy sa tunga sang outbreak sang African Swine Fever sa bilog nga pungsod.
Gin siling sang DA nga sumugod sa bulan sang Abril mabatyagan ang shortage kag mga 11 days ang mangin deficiency ukon 56,180 metric tons ang kakulang.
Ang Negros Occidental ang naga pabilin nga green zone ukon ASF free kag padayon ini nga naga padala sang supply sa iban nga probinsya suno kay Dr Placeda Lemana.
May nagakaigo nga supply ang probinsya suno sa iya kag sa datus nila sini nga Marso 7 – 27, tigayon nakapadala sang supply sa Luzon, 1,365 heads, sa iban nga probinsya sa Visayas – 641 heads kag sa Mindanao – 120 heads. Sang Enero may 4,303 heads nga gin ship out kag sang Pebrero may 2,725 heads nga gin ship suno sa OPV.