76 na lang sa karon ang active COVID-19 cases sang Negros Occidental.
Ini ang gina abi abi ni Negros Occidental Governor Eugenio Jose Lacson. Walo ka mga banwa kag siudad sang may zero active COVID-19 cases.
Pero suno sa iya indi man masiling nga nalab-ot na sang probinsya ang peak ukon ang pinaka madamo nga kaso sini sang COVID-19. Padayon ang pagpahanumdom sa pag sunod sa minimum health protocols.
Ang siudad sang San Carlos ang may pinakamadamo nga na record nga active covid 19 cases. Ang nabilin nga mga LGU may yara sang manubo sa napulo ka mga active COVID-19 cases.
Samtang, binulan naman nga nag bukas ang border sang San Carlos City kag Vallehermoso sa Negros Oriental, gina paabot ang pagbukas man sang border sang mabinay sa Negros Oriental kag Kabankalan City.
Suno sa PIO sang Kabankalan nga si Jake Carlyn Tugbang natalana pa nga magsapol sa gobernador ang alkalde sang duha ka mga lgu para diri.
Suno kay Lacson sa ila inisyal nga pag istorya ni Mayor Pedro Zayco, bukas ang Kabankalan para sa mga pumuluyo sang mabinay, ilabi na nga sa siudad masami ang transaksyon sang mga ini.