Mga migrant sugarcane workers ukon nagatrabaho sa kampo sang tubo nga magasulod sang Negros Occidental ang kinahanglan sang S-Pass kag negative RT-PCR test result.
Ini sandig sa executive order nga ginpa gwa sini lamang ni Negros Occidental Governor Eugenio Jose Lacson may kaangtanan sa pagpatuman sang Covid-19 protocols sang probinsya.
Ginakinahanglan nga ang mga sugar planters magahatag sang ginapangayo nga impormasyon angut sa mga trabahante nga ila iga hire kag ini ang iga endorse sang planters association sa probinsya para sa nagakaigo nga coordination.
Sarang man nga sa probinsya na magapaidalom sa RT-PCR test ang kada mag-abot nga trabahente.
Pero, sa kada trabahante nga sa negros occidental iga-swab, maga donate sang 1,500 ang sugar planter bilang bulig sa pagbakal sang RT-PCR test kits.
Ang sugar planter man ang maga hatag sang transportation sa mga gin-swab nga trabahante padulong sa ila nga quarters sa ila nga farms, kag maga pabilin sa isolation tubtob nga mag gwa ang ila nga test result. Ang maga postibo naman ang dal-on sa provincial quarantine facilities.