Sa Negros Occidental hiwaton ang Western Visayas Regional Athletics Association Meet nga natalana sa bulan sang Mayo.
Suno kay Hernani Escullar, ang spokesperson sang Department of Education Region 6 ang probinsya ang napilian nga mag host sang hinampang nga naka schedule sa Mayo 2 tubtob 7.
Host Division ang Negros Occidental DepEd kag co-host naman ang Bacolod DepEd Division.
Sa Panaad Park and Stadium kag Paglaum Sports Complex suno kay Escullar hiwaton ang hinampang kag sa mga eskwelehan naman sa Bacolod City ang billeting sang mga atleta kag tanan nga maga pakigbahin sa regional meet.
Suno kay Escullar padayon pa ang pag sinapol kag isa sa mga konsiderasyon nila amo ang pagsunod sa nagligad man nila nga ginpatuman kun sa diin wala sang patigayunon nga outdoor games sa mga inoras nga pag tagiti sang init, labi na karon nga may El Nino.
Ini ang talakayon pa.
Pila naman sa mga luyag hatagan sang atensyon para sa host province suno kay Escullar amo ang tubig, kuryente kag seguridad.
“Gina-istoryahan pa na siya nga basi sundon namon ang last year didto sa WVRAA sa AKlan kun sa diin wala sang games midday, that’s around 10am to 3pm, but that guideline will be finalized pa na during the solidarity meeting on April 30. May solidarity meeting kita meaning tanan nga technical officials makit-anay dira agud mag-agree sila sa ila sini nga game schedule”, suno kay Escullar.