Halos tanan nga LGU ang nag-suspend sang face-to-face classes.
Trabaho sa government offices sa Bacolod kag sa talatapan sang Negros Occidental, kasubong man Talisay City kag Don Salvador Benedicto ang suspended sa Martes.
Suspendido sa karon ang biyahe sang mga sakayan pandagat.
Naka red alert ang mga disaster teams sa Bacolod kag Negros Occidental.
Sa ginpatigayon nga press conference sa ni Bacolod Mayor Greg Gasataya Lunes sang aga, iya man gin pangabay ang pribado nga sektor nga magsuspende man sang trabaho sa Nobyembre 4, para sa seguridad man sang ila nga mga empleyado.
Dugang pa sini, magapatigayon man ang syudad sang pre-emptive evacuation sa mga lugar nga ginakabig delikado sa epekto sang Bagyo Tino.
Ang PAGASA ang naga abiso sang pre-emptive evacuation sa mga lugar nga masami gina baha kag nanub-an kag sakop sang red rainfall warning.
Ginpahayag man ni Department of Social Services and Development head Richelle Verdeprado-Mangga nga preparado na ang pagkaon para sa mga evacuees.
Naga panawagan naman si Negros Occidental Governor Eugenio Jose Lacson sa publiko nga mag sunod sa abiso sang otoridad.
Kun kinahanglanon ang pre-emptive evacuation dapat nga mag cooperate.
Target sang probinsya ang zero casualty.
Sa banwa sang Isabela may mga nag-evacuate na sang temprano pa, bilang pag pangaman.*