Digicast Negros

Negros Occidental indi anay magbaton sang dugang nga bakuna

Capitol photo

Indi anay luyag sang probinsya nga mag baton sang dugang nga supply sang Covid-19 vaccines.

Ini suno kay Dr Josefa Claudelia Pabillo ang in-charge sang vaccine distribution sa probinsya.

Wala pa man sang pat-od kun san-o maga abot ang dugang nga supply sang bakuna, pero, suno kay Pabillo, wala sang bakante sa ultra low freezer, gani wala sang pwede nga mabutangan.

Damo sa karon sang supply sang Pfizer ang Negros Occidental suno kay Pabillo kag indi ma negar nga mahinay ang pag bakuna.

Una indi madula nga may vaccine hesitancy ilabi na sa mga senior citizen. Ika duha mahimo nga may pag kumpiansa man ang pumuluyo karon nga manubo ang kaso sang Covid–19.

Bisan gani ang booster shots manubo man ang takers ukon ang nagapabakuna.

Samtang, wala sa karon sang bakuna nga manug-expire sa probinsya.

Exit mobile version
Skip to toolbar