Gina tun-an karon sang probinsya sang Negros Occidental ang pag patuman sang minimum price sa live weight kag karne sang baboy para mapangapinan man ang mga hog raisers kag konsumedor.
Gin siling ni Governor Eugenio Jose Lacson nga gina lantaw nila kun legal ang pag patuman sang minum price sa baboy.
Dala sang epekto sang African Swine Fever nag barato ang presyo sang baboy subong.
Ang Guihulngan sa Negros Oriental ang may executive order nga naga patuman sang minimum price sa live weight, sa carcass sang baboy kag sa retail price sang karne sang baboy.
Pero suno kay Lacson ang natabo nga may mga traders nga wala na naga bakal sa Guihulngan kag sa iban na nga kaiping nga lugar naga bakal. Ang plano karon amo nga ipatuman ang pag set sang minimum price sa bilog nga Negros Oriental suno kay Lacson.
Ang kasubong nga tikang gina lantaw sang Negros Occidental nga ipatuman man sa bilog nga probinsya.
Kag para mabuligan pa gid ang industriya nagsulat na si Gov Lacson sa probinsya sang Iloilo nga kun mahimo pasudlon ang baboy gikan sa mga commercial farms sa Negros Occidental.
Suno kay Provincial Veterinarian Dr Placeda Lemana, nag pag gwa sang EO ang Iloilo nga ang maka sulod lamang nga baboy sa ila ang yadtong gikan sa mga lugar nga wala sang active ASF case sa sulod sang 40 days.
Naga hinyo si Lacson nga ma exempt ang mga commercial farms bangud may yara man ini sila sang certificate of free status gikan sa Bureau of Animal Industry.
Suno kay Lemana isa sa mga rason nga barato ang baboy sa Negros Occidental karon amo nga may oversupply kag naga compete ang commercial farms sa backyard kay indi maka gwa ang baboy sa probinsya.
[sibwp_form id=1]