Digicast Negros

Negros Museum liwat na nga magabukas sa publiko

Opisyal na nga maga bukas ang Negros Museum bwas nga adlaw.

Nagakasayuran nga sarang na liwat maka baton sang walk-in nga luyag magbisita sa museum kasubong man sang mga naka book nga mga tours.

Suno kay Tanya Lopez, ang executive director sang Negros Museum, sa tunga sang pagpanghangkat sang pandemic, sang nagligad pa amat-amat nga nagbukas ang museum.

Kadungan man sa liwat nga pagbukas sini sa publiko amo ang pagbukas sang Cinematheque Negros sang Film Development Council of the Philippines.

Ini ang magaserbe nga screening venue sang mga films labi na ang yadtong mga ginhimo sang regional filmakers.

Las nuebe sang aga tubtob las siete sang gab-i bukas ang museum kag las dos naman sang hapon tubtob las 8 sang gab-i bukas ang Cinematheque.

Padayon ang pagdihon sang mga programa para sa Negros Museum para sa publiko kalakip na diri ang natalana nga paglunsar sang website sini.

Padayon man ini nga kabahin sang Negros Culture Hub Tour sang probinsya. Suno kay Lopez, santo sa gina patuman nga health protocol, ang mga vaccinated lamang ang sarang nga makabisita sa museum.

Gina saulog man ang 25th anniversary sini paagi sa gibwang, nga isa ka art exhibit nga nagasalida sang mga obra sang 25 ka mga Negrense artist nga gina pangunahan nanday Nunelucio Alvarado, Roy Aguilar kag Antonio Tejado.

Exit mobile version
Skip to toolbar