Nakaplastar karon sa Capitol grounds ang mga 80 ka mangunguma kag producers nga naga baligya sang organic produce humalin sa prutas, utan, bugas, mga kararuton, mga pagkaon kag iban pa.
Sa 15th Negros Island Organic Festival liwat sila nga nahatagan sang higayon indi lamang nga maka ganar kundi maka pahibalo nga sila ang nag balik na kag liwat nga matib-ong ang ila nga produkto.
Ang Peace Pond nga grupo gina tapuan sang 25 ka mga mangunguma isa sa mga nagpakigbahin. Suno kay Checcs Orbida ang bise presidente, daku ang bulig sang kasubong nga festival sa ila nga networking.
Suno sa Office of the Provincial Agricuturist, may 2,000 nga kalaparon sang duta sa probinsya nga na validate nga napa idalom sa organic farming.
Sa bulig sang Department of Agriculture suno kay Edmundo Raul Causing gina tinguhaan nga mangin mainstream ang organic farming. Pila sa mga tikang nga kabahins ang suporta amo ang pag establish sang organic hubs, training kasubong man partnership sa private sector.
Suno kay Bernadeth San Juan, Director sang National Organic Agriculture Program sa 2023 nag doble ang ponde nga ginpain para sa Organic Farming nga naga lakip sng mga livelihood progjects para sa mga mangunguma. Labi niyang gina haylo ang pag submit sang proposal para sa amo nga mga proyekto.
Tubtob sa Sabado ang Organic Farmers Festival sa Provincial Capitol grounds.