Mga Negrense gindayaw ang kadalag-an ni Hidilyn Diaz nga nagdala sang pinakauna nga gold medal sa pungsod sa 55 kg weightlifting event sa Olympics.
Ginkakunyag sang mga Pinoy ang kadalag-an ni Hidilyn Diaz matapos iya makuha ang gold medal sa 55 kg weightlifting event sa Tokyo Olympics.
Si Diaz ang nahauna nga Pinay nga nagdala sang gold sa Olympics para sa pungsod makaligad ang 97 anyos.
Para kay anay mayor Monico Puentevella nga karon presidente sang Samahang Weightlifting ng Pilipinas, ang kadalag-an ni diaz nagapakita nga sarang mangin madinalag-on ang pungsod sa pihak sang mga pagtilaw. Pamatuod sini ang mga inagyan nga kabudlayan ni Diaz nga nagpanikasog kag
Nagtuo tubtob nga nalab-ot ang iya handum nga nangin handum man sang pungsod.nagalaum siya nga ini ang maghatag man sang inspirasyon sa mga kabataan.
Gindayaw man ni Provincial Administrator Atty. Rayfrando Diaz ang kadalag-an sang iya himata. Suno sa iya nagapakita man ini nga may ikasarang ang pungsod para makakuha sang gold medal sa Olympics.
Ginkalipay man ni Bacolod City Mayor Evelio Leonardia ang maragtas nga pag-angkon sang gold medal ni Hidilyn nga nagdala kalipay kag bugal para sa pungsod.