Negrense film nga “Under A Piaya Moon” naghakot sang mga awards sa CinePanalo Film Festival.
Ang pelikula nga naga pakita sang nanari sari nga mga native delicacy sang Negros ang himo sang Negrense director kag host nga si Kurt Soberano, sa idalom sang Bakunawa Films. Ini ang pinaka una nga full length film nga ila nahimo.
Ang Under a Piaya Moon ang ginkilala bilang Pinakapanalong Mahabang Pelikula sa nahauna nga Puregold CinePanalo Film Festival. Nakuha man sang amo nga pelikula ang Best Film, Responsableng Paglikha ng Pelikula (MTRCB)
Special Citation Award, Best Actor si Jeff Moses, Best Supporting Actor si Joel Torre, Best Cinematography,
Best Editing kag Best Production Design man ang pelikula.
Nagkuha man ini sang nominations para sa Best Director si Kurt Soberano, Best Screenwriting si Vicente Groyon,
Best Supporting Actress sanday Pau Dimaranan kag Chart Motus, Best Sound Design kag Best Musical Score.
Suno kay Soberano, na inspire siya nga himuon ang pelikula kay ang iya lola ang manamit magluto. Gani bida sa iya pelikula ang manamit nga native delicacies sang Negros.