Padayon na ang registration sa probinsya para sa natalana nga pagbakuna para sa COVID-19.
Ini suno kay Provincial Administrator Rayfrando Diaz nga nagsiling man nga target nila nga mahuman ini sa katapusan nga bulan sang Pebrero.
Sa ginapaabot nga pagsinapol bwas nga adlaw sa mga alkalde, ginalauman nga may detalyado na nga lista nga ipakita nga naga lakip sang mga ngalan.
Rekisitos ang registration antes pa man mabakunahan ang isa ka persona.
Suno kay Diaz ang pasalig sang national government amo nga malakip sa programa sa pagbakuna ang 18 anyos pasaka, rason nga ang hinyo ni Governor Eugenio Jose Lacson 3 million ka dose sang bakuna para sa 1.5 milyon ka mga Negrense.
Sa sini nga Pebrero ginapaabot sang gobyerno national ang 117,000 ka dose sang bakuna gikan sa Pfizer kag ini ang gintalana lamang sa Metro Manila, Cebu kag Davao.
Sa Marso ginapaabot ang 3.5 tutbob 9 million ka dose sang bakuna gikan sa astrazeneca kag ginalauman nga malaakip ang probinsya sa sini nga batch.
Suno kay Diaz si anay congressman Albee Benitez ang naga lobby agudto malakip diri ang Negros Occidental.
Ang gin order naman sang probinsya gikan sa AstraZeneca nga 100,000 ka dose ang gina paabot sa third quarter pa sang sini nga tuig.