Provincial Tourism Officer Cheryl Decena kag pila ka upod sa talatapan ang gin papanaugan sang show cause order angut sa wala naga match nga pirma sa pila ka mga ginbayaran sa payroll.
Suno kay Acting Provincial Administrator, Alberto Nellas Jr., ini ang may kaangtanan sa namutikan nga wala naga match nga lagda sang mga 13 ka ginbayaran nga performers ukon drum beaters sa isa ka event sang gobyerno probinsyal sa idalom sang talatapan sang Provincial Tourism.
Kabahin ini sang validation sang mga discrepancy suno kay Nellas nga namutikan sa liquidation sa talatapan sang Provincial Tourism.
Klaro ni Nellas indi ini isa ka administrative complaint kundi isa ka correctional measure.
Sa audit sang Provincial Administrator’s Office namutikan nga lain ang lagda sa payroll kontra sa ID nga gin-submit suno kay Nellas.
Tigayon na nga naka submit sang sabat si Decena kag natungdan nga mga disbursement officers kag natalana mag pa gwa sang resolution para diri suno kay Nellas.
Ginsiling naman ni Decena sa Digicast Negros nga ang natungdan nga mga performers ang nag issue na sang notarized certification nga naga pamatuod sang authenticity sang ila nga mga pirma.
Samtang, ginapaabot man ang resolution sa separado nga show cause order nga napapanaog kay Decena pila man ka disbursement officers angut sa liquidation sa catering sang Mambukal Resort.