Padayon ang negosasyon sa tag-iya sang duta nga tuyo baklon sang probinsya para magaserbe nga permanent relocation sa mga pumuluyo sang La Castellena nga naga puyo sakop sang 6 km danger zone.
Kahapon nagsapol ang nagkalain-lain nga stakeholders para sa rehabilitation plan.
Ang ginalantaw nga baklon sang probinsya sa duha ka mga lote nga ginahatagan konsiderasyon amo ang 8 hectare lot sa Brgy Talaptab nga malapit sa eskwelahan.
Suno kay Lacson, mga 200 ka pamilya ang sarang ma accommodate diri.
Wala labot sa puluy-an luyag man sang probinsya nga mag pain sang isa ka bahin sa amo nga lote nga magaserbe nga farm lots sang mga maga saylo.
Nagalaum ang gobernador nga matigayon ang pagbakal sang duta sa sini nga tuig.
Wala pa mapat-od ang presyo nga kabahin sa gina negotiate sa karon.
Ang Housing and Urban Development Coordinating Council naman suno kay Lacson ang maga develop sang site.
Sa pihak nga bahin, maga balik ang community kitchen sang probinsya para sa mga nabilin pa nga mga pumuluyo sa mga evacuation centers sa mga barangay sa La Castellana.
Suno kay Lacson ang nabilin nga pondo gikan sa 50 million pesos nga gin-release sang Malacanang damlag pa amo ang paga gamiton.
Kun gintugutan man ang pag balik sang mga 1,800 ka pumuluyo sa ila nga mga puluy-an sakop sang 6km danger zone, yara na ang desisyon sa LGU suno sa gobernador.
Ini ang napahibalo na sang LGU sa pagsinapol sang nag ligad nga semana.